આજે પાર્થેનીયમ માં રજુ કરીએ છે મારા મિત્ર અને ગુજરાતના ઉભરી રહેલા લેખિકા શ્રીમતી અવની દલાલને…અવની મારી જાણ મુજબ ફેશબુક પર ગુજરાતીમાં ધારાવાહી નવલકથા metformin hcl 500mg metformin hcl weight loss લખનાર પહેલા વ્યક્તિ છે. સુંદર,સરળ છતાં metformin side effects 1000 mg પણ સચોટ ને ભાવવાહી શૈલીથી લખતા અવની બહેન, મારા આગ્રહને માન આપીને આજે એક હળવો આર્ટીકલ આપની માટે લીને આવ્યા છે તો એમનું સ્વાગત ને આભાર..ભવિષ્યમાં પણ આપણને એમની કલમનો લાભ મળતો રહે તેવી અપેક્ષા સહ…
(નોંધ: ફરી એકવાર સૌ સર્જકોને આમંત્રણ પોતાની કથા, વ્યથા ને કવિતા વહેચવાનું અમારું ઈજન, પાર્થેનીયમ સૌને ગુણવત્તાના ધોરણોસર પોતાની કૃતિઓ રજુ કરવા આવકારે છે)
*************************
વહેલી સવારના સાડા છ નો સમય … બચ્ચાઓની સ્કુલ બસ ગઈ એટલે બસ સ્ટોપ પર પોતપોતાના ટાબરીયાઓને મૂકવા આવેલી ત્રણ ચાર મોર્ડન મોમ્ઝ ટોળે વળી અને સવારનું ગોસિપ સેશન શરુ કર્યું..
“ હાઈ.. સીમ્સ ધેટ યુ હેવ પુટ ઓન ધ વેઈટ લીલ બીટ…”
એક ફિટનેસ ફ્રિક સ્ટાઈલીશ મોમ એ અન્ય એક બે બાળકો પછી તબિયતમાં સમૃદ્ધ થયેલી મોમને કહ્યું…
“ હા યાર જવા દે ને… કેટલું ઓછું ખાઉં છું તો પણ ત્યાનું ત્યાં…. જિમ જવું છે પણ શું છે કે મેમ્બરશીપ ફિઝ એટલી છે… સ્કીમ આવશે થોડા સમયમાં… પંદર હજારની મેમ્બરશીપ પર પંદર હજારનું સ્પા ફ્રી,,,, એવી ય સ્કીમ આવતી હોય વછે.. ત્યારે થઈશું મેમ્બર… ત્યાં સુધી વોક પર જઈશ… પેલો નવો જોગિંગ ટ્રેક બન્યો છે ને ત્યાં ચાલવા જવાનો વિચાર છે,,, ..”
ગજગામિની મોમ ઉવાચ…
“ બટ યુ નો સમથીંગ… જોગિંગ ટ્રેકમાં જે ફલોરિંગ હોય છે એના પર ચાલવાથી ઘૂટણના પ્રોબ્લેમ્સ થાય… ચાલવું તો ટ્રેડમિલ પર જ જોઈએ.. હાર્ટ રેઇટ પ્રમાણે… યુ નો…એનાથી ઓછું પણ નહિ ને વધારે પણ નહિ… કેટલી કેલરીઝ બર્ન થઇ એનો રેકર્ડ રહે ને વળી પાછું ..”
સ્ટાઇલીશ ફિટનેસ ફ્રિક મોમએ પોતાનો રીસર્ચ ડેટા ( કે પછી જિમના માર્કેટિંગ ફંડાઝથી બ્રેઇનવોશ થયા પછી ચકચકિત થયેલા પોતાના વિચારોનો સાર .. એ જે હોય તે ) પબ્લિક હેલ્થ માટે ખુલ્લો મૂક્યો..
“ અરે પણ એના કરતા ઝાડ પાન હોય એવા ગાર્ડનમાં ચાલો તો મફતમાં ઓક્સિજન મળે.. નેચરલ સન લાઈટથી વાઈટામીન ડી મળે… જીમમાં થોડું એ મળે.. બંધ એસીમાં અનેક લોકોની વચ્ચે એમના ઉચ્છવાસમાંથી નીકળેલો કાર્બન ડાયોકસાઈડ શ્વાસમાં લેવા .. ઉફ્ફ છી છી… એના કરતા તો ગાર્ડન શું ખોટો… હે??? … અને વળી મોંઘા જીમની ફિઝ બચે એ નફામાં… હું તો ભાઈ.. ડાયેટ બાયેટ કશું ફોલો નથી કરતી,, ઉપવાસ પણ કરું તો બ્રેકફાસ્ટથી લંચ સુધી અને લંચથી ડીનર સુધી.. અને ડીનરથી બીજા દિવસના બ્રેકફાસ્ટ સુધી,,, અરે ભલું હોય તો એ ઉપવાસ પણ તોડી નાખું… ”
એક નેચરલ મોમ એ પોતાનો ફિટનેસ ફંડા રજૂ કર્યો.. પણ મફત શબ્દ સાંભળતા જ ત્યાં ઉભેલા બધાના કાન ઉંચા થઈ ગયા…
“ હા હા…એ વાત સાચી હો…”
કોરસમાં સૌએ જવાબ આપ્યો…
“ પણ મારા તો સાસુ સસરાની વાત જ જવા દો યાર.. માંડ માંડ બિલ્ડીંગમાં બનેલા જિમમાં જવાનું શરુ કર્યું.. સાંજે ચાર વાગે રસોઈ બનાવીને જાઉં.. આવું ત્યારે ડાઈનિંગ ટેબલ પર હાજર જ હોય… હજુ તો ઘરમાં એન્ટર થાઉં એટલે કહે .. લાવો જમવાનું… અરે ભાઈ… માણસ વોશરૂમ તો જાય કે નહિ..”
અન્ય એક હતાશ મોમએ એની રામકહાણી સંભળાવી,,,
“ હાય હાય….. તો તારે કહેવાનું ને… કે આવું છું થોડી વારમાં.. રાહ જુઓ… આવું થોડું ચાલે કઈ લે… થોડું પોતાના માટે પણ વિચારવાનુંને,,, અને આ તો હેલ્થનો સવાલ છે.. આવું તો નહિ જ ચાલે… “
એક ફેમિનિસ્ટ મોમ એ પોતાના નાકનું ટીચકું ચડાવીને હતાશ મોમને પાનો ચડાવ્યો…. અને બાકીનાએ નિસાસો નાખ્યો ….
“ આવું જ ચાલે ભાઈ બધે.. કાગડા બધે કાળા….હૂહ..”
અત્યાર સુધી ચૂપચાપ ઉભેલી એક મોમે ચર્ચાની સમાપ્તિ કરી એટલે માથું ધૂણાવતા ધીરે ધીરે સૌ છૂટા પડ્યા…
આજકાલ લોકોમાં અચાનક જ ફિટનેસ જુવાળ પ્રગટ્યો છે.. જ્યાં જુઓ ત્યાં બસ આ જ ચર્ચા… બધાને રાતોરાત વેઈટ લોસ અને ઈંચ લોસ કરવા છે.. કઈ પણ કરીને લોકો ને સ્લીમ એન ટ્રીમ થવું છે… સવારમાં સાડા છ વાગે રોડ પર જુઓ તો અનેક શસ્ત્ર ધારણ કરીને યોદ્ધાઓ નીકળી પડેલા જોવા મળે…
કોઈક ટ્રેક અને ટીશર્ટમાં તો કોઈ શોર્ટ્સ પહેરીને જોગિંગ કરતુ દેખાય.. તો કોઈક ચૂડીદારને કૂર્તામાં વોક લેતું દેખાય.. તો કોઈક વળી સાડીમાં ય ચાલવા નીકળ્યું હોય…
કોઈક શૂરો તો પગની પાની કમર પર વારાફરતી અડકે એ રીતે જોગિંગ કરે… એ અનુપમ દ્રશ્ય જોઈને તો એમ થાય.. કાશ.. ટોમ એન્ડ જેરી નું બેકગ્રાઉન્ડ મ્યુઝિક વાગતું હોય તો કેટલી મજા આવે,,, કાર્ટુન ચેનલ જોવાનું બંધ કરીને અહિયા જ ધામા નંખાય.. હસી હસીને બેવડ બની જવાય…
તો કોઈક વળી હિસ્ટીરિયા થયો હોય એમ ચાલે… જાણે બધી જ કેલેરીઝ એક ઝાટકામાં ખંખેરી નાખવાના હોય એમ…
તો કોઈક હાથીકાય ચાલતું હોય તો એમ લાગે કે રોડ પર ખાડા પાડવા માટે આજ મહાશય જવાબદાર હશે,, આ લોકોને કારણે જ કોર્પોરેશનનું રોડ મેઈન્ટેનન્સનું બજેટ વધતું હશે,,,
કોઈક આંટી સાડી અને સ્લીપર ધારણ કરીને જોર જોરમાં હાથ ઉપર નીચે ગોળ ગોળ ફેરવતા ફેરવતા ચાલતા દેખાય ત્યારે એમ થાય કે બીજે દિવસે આ આંટી દેખાય તો સારું.. અને ખરેખર,,, બધું જોશ એક જ દિવસમાં વાપરી નાખ્યું હોય તો બીજે દિવસે શરીર જકડાઈ ગયું હોય… એટલે એ પહેલો દિવસ છેલ્લો બની જાય… બીજે દિવસે કે પછી ક્યારે ય એ આંટી ધરાર નહિ દેખાય.. વન ડે મેચ રમીને પછી આઉટ…
તો ઘણા મ્યુઝિકપ્રેમીઓ કાનમાં ડટ્ટા ઘાલીને ચાલતા હોય… સેલફોન કે આઈપોડમાં હેડફોન્સના જ સ્તો… વહેલી સવારના પંખીઓના અવાજને સાઈલેન્ટ મોડમાં મૂકીને આઈપોડમાં ‘ ગીવ મી ફ્રીડમ.. ગીવ મી ફાયર….’ સોંગના ધમધમતા બીટ્સ ચાલતા હોય… સાથે એ જ રીધમમાં એ ય ચાલતા હોય…
તો ઘણા વરસાદ આવશે એમ વિચારી છત્રી હાથમાં પકડીને ચાલતા હોય.. ઘણી વાર બિચારી છત્રી ઉઘડ્યા વિના જ ઘરે પાછી ફરે… ખૂલે જ નહિ.. તો ઘણી વાર કોઈ શૂરા વરસાદમાં ભીંજાતા ભીંજાતા પણ ચાલવા નીકળે અને પોતાનું શિડ્યુલ નહિ બદલે..
કોઈક પત્નીથી ડરતા જનાબ પોતાની ક્લાસમેટ કે ચાઈલ્ડ હૂડ બડીને ફોન કરે,,…
“ બસ જો.. આ વોક લેવા નીકળ્યો તો થયું જરા ફોન કરી દઉં…પછી આખો દિવસ પેલી જોગમાયા સામે જ ડોળા ફાડીને ઉભી હોય… એટલે થાય ન થાય… ”
હમમ … તો જનાબનો મોર્નિંગ વોકનો હેતુ ફિટનેસ નહિ પણ ગર્લફ્રેન્ડને કોલ કરવાનો છે… પત્ની બિચારી એમ સમજે કે પતિ મહાશય તંદુરસ્તી પ્રાપ્ત કરી રહ્યા છે,, પણ આ ફલર્ટુ ફોન પર લાંબી લાંબી વાતો કરી રહ્યા હોય…
સુરત જેવા શહેરમાં રહેતા શોખીન લોકોની તો વાત જ કઈ ઓર… લારી ગલ્લા વાળાઓ પણ આવા જ કોઈક મોર્નિંગ વોક માટેના ખાસ સ્પોટ પર સવારમાં સુરતીલાલાઓના સ્વાદપ્રિય સ્વભાવને ધ્યાનમાં રાખીને આવી જાય… સુરતી લાલાઓ ૨૦ મીનીટ ચાલે અને કેલેરીઝ બાળે… ને પછી પેલા લારીવાળાનું કલ્યાણ કરે..
“ છોટુ… એક કપ કડક અને મીઠી ચા.. અને એક ડિશ ગરમા ગરમ ગાંઠિયા અને ચટણી… અને એક ડીશ લોચો,,, અને હા એક્સ્ટ્રા બટર અને ચીઝ નાખવાનું ભૂલતો નહિ…કેલેરીઝની એસી કી તેસી.. જે થવાનું હોય તે થાય,,, જસ્ટ એન્જોય યાર,,, ”
જય હો….
-અવની દલાલ
©Avni Dalal 2011
ભલે મારા જેવા અનેક નો ક્ષય થાઓ, પણ સત્યનો જય થાઓ…
